პრემიერი: ვაქცინაციას ჯანმრთელობასთან ერთად დიდი ეკონომიკური მნიშვნელობა აქვს
პრემიერ-მინისტრის გიორგი გახარიას განცხადებით, საქართველოში ჯანდაცვის მსოფლიო ორგანიზაციის მიერ ავტორიზირებული ვაქცინა უახლოეს პერიოდში შემოვა და დაიწყება ვაქცინაციის პროცესიც, გეგმის მიხედვით.
მისი თქმით, ვაქცინაციას ადამიანის ჯანმრთელობასთან ერთად დიდი ეკონომიკური მნიშვნელობაც აქვს.
„ჩვენი მთავარი მიზანია, წლის ბოლომდე საქართველოს მოსახლეობის მინიმუმ 60% იყოს აცრილი. ყველას კარგად უნდა გვესმოდეს, ვაქცინაციის პროცესს, ჯანმრთელობასთან ერთად აქვს უაღრესად დიდი ეკონომიკური მნიშვნელობა“,- განაცხადა გიორგი გახარიამ.
როგორც პრემიერმა აღნიშნა, კოვიდვაქცინაციასთან დაკავშირებით მოლაპარაკება უშუალოდ მწარმოებლებთანაც მიმდინარეობს.
„ჩვენ მოგეხსენებათ „კოვაქს პლატფორმის“ წევრები ვართ, ასევე ორმხრივი და პირდაპირი მოლაპარაკებების შედეგად საქართველოში უახლოეს პერიოდში იქნება ხარისხიანი ვაქცინა“, - განაცხადა გიორგი გახარიამ.
