საზოგადოება
28/02/2022
პრემიერი: უკრაინის მიმართ ყველა დონეზე მტკიცე მხარდაჭერა გამოვხატეთ
პრემიერ-მინისტრის განცხადებით, საქართველომ "უკრაინას ყველა დონეზე მტკიცე მხარდაჭერა გამოუცხადა".
ირაკლი ღარიბაშვილმა განმარტა, რომ საქართველოსთვის კრიანაში რუსეთის შეჭრა და სამხედრო მოქმედებების წარმოება მიუღებელია.
"კიდევ ერთხელ გულის ტკივილს გამოვხატავ. უკრაინაში შეჭრა და სამხედრო მოქმედებების წარმოება მიუღებელია. ამის თაობაზე გვქონდა უკრაინელ კოლეგებთან კომუნიკაცია და გამოვხატეთ ჩვენი სოლიდარობა პოლიტიკურ დონეზე. ამასთან, დღეს დილით 100 ტონა ჰუმანიტარული ტვირთი ჩავიდა პოლონეთში და ის მიეწოდება უკრაინულ მხარეს. ჩვენ ყველა დონეზე მტკიცე მხარდაჭერა გამოვხატეთ უკრაინის მიმართ.
ამასთან, უკრაინის მოქალაქეები, რომლებიც იმყოფებიან თბილისში და ვერ ბრუნდებიან ქვეყანაში, უფასოდ მიეწოდებათ ყველა სერვისი და მომსახურება",- განაცხადა ღარიბაშვილმა.
