პრემიერი: წლის ბოლომდე 4 მლნ დოზა ვაქცინას მივიღებთ, რაც სრულიად საკმარისია

პრემიერ-მინისტრის ირაკლი ღარიბაშვილის განცხადებით, 2021 წლის ბოლომდე საქართველო კორონავირუსის საწინააღმდეგო 4 მილიონ დოზა ვაქცინას მიიღებს, რაც სრულიად საკმარისი იქნება იმისთვის, რომ ჯამში მოსახლეობის 60% აიცრას.

მისი თქმით, საქართველო ელოდება 1 მილიონ დოზა “ფაიზერის“ ვაქცინას, 1 მილიონ დოზა “სინოფარმის“, 1 მილიონ დოზა “სინოვაკის“ ვაქცინებს. აგრეთვე 700 000 დოზა “ნოვოვაქსის“ ვაქცინას.

“ჯამში, წლის ბოლომდე 4 მილიონი დოზა ვაქცინა გვექნება, რაც სრულიად საკმარისი იქნება, რომ ჩვენი გეგმის მიხედვით, მოსახლეობის 60% აიცრას.

აქვე მინდა ვისარგებლო შემთხვევით და მადლობა გადავუხადო ჩვენს გმირ ექიმებს“,- განაცხადა ირაკლი ღარიბაშვილა პარლამენტში პლენარულ სხდომაზე, სადაც ანგარიშს წარადგენს.