პრემიერი: სანქციები ეფექტური საშუალება არ არის
პრემიერ-მინისტრი ფიქრობს, რომ დასავლეთის მიერ რუსეთისთვის დაწესებული სანქციები ეფექტური საშუალება არ არის.
ირაკლი ღარიბაშვილი აცხადებს, რომ "უკრაინის დედაქალაქი იბომბება და ამის შემჩერებელი არავინ არის".
"ჩვენი ხელისუფლების პირობებში ვაკეთებთ მაქსიმუმს იმისთვის, რომ გამოვხატოთ მაქსიმალური მხარდაჭერა ჩვენი უკრაინელი ძმებისა და დების მიმართ. უკრაინაში რაც ხდება, ჩვენთვის ეს კარგად არის ცნობილი. ეს ჩვენ 2008 წელს გამოვცადეთ.
დღეს ევროპაში მიმდინარეობს უზარმაზარი ომი. უკრაინის დედაქალაქი იბომბება და ამის შემჩერებელი არავინ არ არის. პირდაპირ ვთქვათ, სანქციები არ არის ეფექტური საშუალება. დღეს უკრაინაში უკრაინის ჯარი ომობს. ამ სიტუაციაში ყოველგვარი ემოცია და გაუთვლელი სიტყვა და ქმედება რისკის შემცველია. ჩვენ, როგორც ხელისუფალნი, რა თქმა უნდა, მოგვეთხოვება პასუხი და პასუხისმგებლები ვართ ყველაფერზე", - განაცხადა ღარიბაშვილმა.
