პრემიერი: მოსახლეობის ვაქცინაციისთვის საჭიროა ევროკავშირის მხარდაჭერა
პრემიერ-მინისტრის ირაკლი ღარიბაშვილის განცხადებით, საქართველოში კორონავირუსის საწინააღმდეგო ვაქცინის შემოსატანად ევროკავშირის მხარდაჭერაა საჭირო.
პრემიერის თქმით, ევროპის საბჭოს პრეზიდენტთან შეხვედრაზე ამ საკითხში მხარდაჭერის პირობა მიიღო.
„საწყისი ეტაპიდან დღემდე ევროკავშირმა საქართველოს აღმოუჩინა უმნიშვნელოვანესი დახმარება, როგორც კოვიდ -19-ის შეკავების, ისე მისგან მომდინარე სოციალურ-ეკონომიკურ გამოწვევებთან გასამკლავებლად. ბატონ პრეზიდენტთან ჩვენ ასევე განვიხილეთ, რომ ჩვენი ქვეყნისთვის საჭიროა ევროკავშირის შემდგომი მხარდაჭერა, რათა უახლოეს პერიოდში მივიღოთ ვაქიცნის საჭირო რაოდენობა და დავიწყოთ ჩვენი მოსახლეობის ვაქცინაცია. ამ საკითხში პრეზიდენტისგან მივიღეთ მხარდაჭერის დაპირება“,- განაცხადა ირაკლი ღარიბაშვილმა ევროპის საბჭოს პრეზიდენტთან შარლ მიშელთან შეხვედრის შემდეგ გამართულ ბრიფინგზე.
