საზოგადოება
19/02/2021
პირბადის ტარების წესის განმეორებით დარღვევაზე ჯარიმა გაორმაგდა
პირბადის ტარების წესის განმეორებით დარღვევაზე ფიზიკური და იურიდიული პირებისთვის ჯარიმა გაორმაგდა. ცვლილება, რომელიც „ადმინისტრაციულ სამართალდარღვევათა კოდექსში“ შევიდა, ამოქმედდა.
კანონის თანხმად, პანდემიის ან/და ეპიდემიის დროს ღია ან დახურულ საჯარო სივრცეში პირბადის ტარების წესის დარღვევის შემთხვევაში ფიზიკური პირი 20 ლარით ჯარიმდება. განმეორებით დარღვევის შემთხვევაში კი, ჯარიმა 40 ლარით განისაზღვრება.
ამასთან, დახურულ საჯარო სივრცეში პირბადის არმქონე პირის დაშვება იურიდიული პირის/ინდივიდუალური მეწარმის 500 ლარით დაჯარიმებას იწვევს. განმეორების შემთხვევაში ჯარიმა ორმაგდება და 1000 ლარი იქნება.
