საზოგადოება
21/07/2021
Pfizer-ით აცრა უკვე 16 წლიდანაც შეიძლება - ბრძანება ძალაშია
Pfizer-ით აცრა უკვე 16 წლიდანაც შეიძლება. ცვლილება “COVID-19-ის საწინააღმდეგო ვაქცინის დანერგვისა და იმუნიზაციის მართვის წესის დამტკიცების შესახებ“ ბრძანებაში შევიდა, რომელსაც ჯანდაცვის მინისტრი ეკატერინე ტიკარაძე აწერს ხელს.
ბრძანება საკანონმდებლო მაცნეშია გამოქვეყნებული და ის უკვე ძალაშია.
ბრძანებაში წერია, რომ Pfizer-ის ვაქცინით აცრა ტარდება 16 წლის და ზედა ასაკის პირებში, აცრების კურსი შედგება 2 ინიექციისაგან, აცრებს შორის ინტერვალი შეადგენს, სულ მცირე, 21 დღეს.
ვაქცინაციის კურსის დასრულების მიზნით, მეორე დოზა უნდა გაკეთდეს იმავე ვაქცინით 21 დღის შემდეგ.
