Pfizer-ის განცხადებით, მისი COVID საწინააღმდეგო აბი სიკვდილიანობას 89%-ით ამცირებს

Pfizer აცხადებს, რომ მისმა Covid-19–ის საწინააღმდეგო აბმა ჰოსპიტალიზაცია და სიკვდილიანობა, მაღალი რისკის მქონე პაციენტებში 89%-ით შეამცირა. ეს ის შედეგია რომელსაც აქვს პოტენციალი შეცვალოს კორონავირუსით გამოწვეული დაავადებების მკურნალობა და პანდემიის მიმდინარეობა.

Pfizer-ის ცდაში 1,219 არავაქცინირებული ზრდასრული ადამიანი მონაწილეობდა და აბებით ხუთდღიანმა მკურნალობამ მკვეთრად შეამცირა ჰოსპიტალიზაციის მაჩვენებელი. 

აბი, რომელიც შეიძლება მიღებულ იქნას სახლში სიმპტომების გამოვლენისთანავე, გადამწყვეტი ინსტრუმენტია Covid-19-ის კრიზისის გლობალურად მოსაგვარებლად.  

ახლა არსებობს ორი პერსპექტიული კანდიდატი Covid-19–იანი პაციენტების მკურნალობისთვის. გასულ თვეში, Merck & Co-მ და პარტნიორმა Ridgeback Biotherapeutics LP-მა წარუდგინეს თავიანთი ექსპერიმენტული აბი მარეგულირებელ ორგანოებს მას შემდეგ, რაც კვლევამ აჩვენა, რომ იგი ამცირებდა მძიმე ავადმყოფობის ან სიკვდილის რისკს, ნახევრად მსუბუქი და ზომიერი Covid-19-ის მქონე პაციენტებში.