ონკოპაციენტების მკურნალობის გაფართოებული პროგრამა ამოქმედდა

ჯანდაცვის სამინისტრო ონკოლოგიური პაციენტებისთვის ახალი პროგრამის განხორციელებას იწყებს.

პროგრამის ფარგლებში ფართოვდება ახალი თაობის მედიკამენტების სია და წლიური ლიმიტი იზრდება.

როგორც ჯანდაცვის მინისტრის მოადგილემ გამართულ ბრიფინგზე განაცხადა, პროგრამა პაციენტებს, ვისაც სჭირდება ქიმიოთერაპია, ჰორმონოთერაპია, სხივური თერაპია და სიმსივნის საწინააღმდეგო მედიკამენტების მიღება, შესაძლებლობას აძლევს ეს სერვისი უფასოდ მიიღონ. მათ შსაძლებლობა ექნებათ იმკურნალონ ახალი თაობის მედიკამნეტებით.

თამარ გაბუნიას განმარტებით, ცვლილების ფარგლებში პროგრამა გაიზარდა 8 000 ლარით.

"საყოველთაო ჯანდაცვის პროგრამის ფარგლებში ბაზისური პაკეტით მოსარგებლეთა ჯგუფისთვის განსაზღვრული შეღავათი ამ კონკრეტული სერვისებისთვის შეადგენდა 12 000 ლარს. პროგრამის ფარგლებში არსებული მეორე ჯგუფი, შედარებით გაფართოებული პაკეტის მფლობელები არიან, მასში შედიოდნენ ბავშვები, ასაკით პენსიონრები, შშმ ბავშვებიო, მკვეთრი შესაძლებლობების მქონე პირები და სტუდენტები, მათთვის ქიმიოთერაპიის, ჰორმონოთერაპიის, სხივური თერაპიათერაპიისთვის გათვალისწინებული თანხა შეადგენდა 15 000 ლარს, დღევანდელი ცვლილებით 8 000 ლარი ემატება ორივე პაკეტს. შესაბამისად თანხის მოცულობა ერთ შემთხვევაში იზრდება 20 000 ლარამდე, მეორე შემთხვევაში კი 23 000 ლარამდე," - განაცხადა გაბუნიამ.

მისივე თქმით, პროგრამა ითვალისწინებს ასევე სიმსივნის საწინააღმდეგო მედიკამენტების 21 ახალი დასახელების მედიკამენტს, რომელიც აქამდე პროგრამაში გათვალისწინებული არ იყო.

მინისტრის მოადგილე ამბობს, რომ ამ შემთხვევაში კოორდინირებული მოქმედება იქნება საყოველთაო ჯანდაცვის პროგრამის და ასევე რეფერალური პროგრამის ფარგლებში, მექანიზმი იქნება მარტივი და პაციენტს არ მოუწევს ბიუროკრატიული ბარიერების გადალახვა.