ომიკრონის საწინააღმდეგო Pfizer-ის ახალი ვაქცინა საქართველოში მარტში შემოვა

ჯანდაცვის მინისტრმა ზურაბ აზარაშვილმა განაცხადა, რომ მარტში საქართველოში Pfizer-ის წარმოებული ახალი ვაქცინა შემოვა, რომელსაც "ომიკრონის" შემთხვევაში მეტი დაცულობა აქვს. 

ამასთან დაკავშირებით ამირან გამყრელიძემ საკოორდინაციო საბჭოს შემდეგ ისაუბრა და აღნიშნა, რომ ქვეყანა ელოდება ანტივისურულ ახალ წამალს, ეს არის Pfizer-ის ერთ-ერთი ყველაზე ინოვაციური პრეპარატი და 90%-იანი დაცვა აქვს გართულებებისგან.

"ამასთან დაკავშირებით მიმდინარეობს მოლაპარაკება და უკვე დაზუსტებულია, რომ ეს უნდა მივიღოთ," – განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ. 

მან ასევე აღნიშნა, რომ Pfizer და Moderna მუშაობენ ომიკრონის შტამის საწინააღმდეგო ვაქცინაზე, ისინი არიან კლინიკური კვლევის ბოლო ფაზებში და დაანონსებულია, რომ მარტის ბოლოსთვის ამ კვლევებს დაასრულებენ.