ოკუპირებული აფხაზეთიდან გადმომსვლელთათვის საკარანტინო ვადა შემცირდა

ოკუპირებული აფხაზეთიდან საქართველოს ცენტრალური ხელისუფლების კონტროლირებად ტერიტორიაზე გადმოსულებისთვის 12 დღიანი საკარანტინო ვადა 5 დღემდე შემცირდა. ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა განაცხადა.

„1-ელ თებერვლამდე ეს ვადა განისაზღვრებოდა 12 დღით, ამიერიდან ოკუპირებული ტერიტორიებიდან გამოსული პირებისთვის შექმნილი იქნება შესაბამისი პირობები, სადაც ისინი დაყოფენ 5 დღეს, საკარნტინე სივრცეში, პისიარ ტესტორების უარყოფითი პასუხის შემთხვევაში მათ ექნებათ შესაძლებლობა, 5 დღიანი საკარანტინე ვადის ამოწურვის შემდეგ, დატოვონ საკარანტინე სივრცე“,- აღნიშნა თეა ახვლედიანმა.

მისი თქმით, ენგურის ხიდზე, საქართველოს კონტოლირებად ტერიტორიაზე, შექმნილია შესაბამისი ინფრასტრუქტურა, სადაც განთავსებულია სამედიცინო პერსონალი და სატრნასპორტო საშუალებები, რაც შესაძლებლობას მიცემს გადმოსულ მოქალაქეებს, რომ შეფასებული იყოს მათი ჯანმრთელობის მდგომარეობა და შესაბამისად მოხდეს მათი ტრანსპორტირება შესაბამის დაწესებულებებში.