საზოგადოება
24/05/2021
ნათია თურნავა რიყის დოქებზე: ძვირადღირებული ობიექტის გაყიდვა მარტივი არ არის
ეკონომიკის მინისტრის ნათია თურნავას შეფასებით, რიყის დოქები ძვირადღირებული ობიექტია და განსაკუთრებით პოსტპანდემიურ პერიოდში მისი გაყიდვა მარტივი არ არის.
“ძალიან რთულია, ძვირადღირებულ ობიექტს მოვუნახოთ ფუნქციონალი, მითუმეტეს მაშინ, როცა პოსტპანდემიურ პერიოდში ვართ. არ არის მარტივი, საკმაოდ ძვირადღირებული ობიექტის გაყიდვა, როგორც გამოაჩინა ღია და გამჭვირვალე აუქციონებმა. თითქმის ბოლო 8-9 თვეა ჩვენ ამ აუქციონებზე გაგვაქვს ეს ობიექტი. ის თანხა, რაც დაუჯდა ბიუჯეტს, ძალიან შორს არის იმ თეორიული საბაზრო ფასისგან, რომელიც დღეს ინვესტორმა შეიძლება გადაიხადოს. თუმცა ჩვენ ვაგრძელებთ მუშაობას პოტენციურ ინვესტორებთან, აუცილებლად მოხდება პრივატიზაცია და თავისი გამოყენება ექნება ამ ობიექტს“, - განაცხადა ნათია თურნავამ.
