საზოგადოება
20/08/2020
მთავრობამ ინფექციურ საავადმყოფოს 40 მილიონ ლარად ახალი შენობა შეუძინა
საქართველოს ჯანდაცვის მინისტრის, ეკატერინე ტიკარაძის განცხადებით, მთავრობამ ინფექციური საავადმყოფოსთვის ახალი შენობა 40 მილიონ ლარად შეუძინა. ამის შესახებ მინისტრმა მთავრობის სხდომის დასრულების შემდეგ განაცხადა.
"ინფექციური საავადმყოფოს შენობასთან და იმასთან დაკავშირებით თუ როგორ პირობებში უწევს მას მუშაობა,ჯანდაცვის სამინისტროს უკვე წლებია არაერთი განცხადება აქვს გაკეთებული. სწორედ აქედან გამომდინარე მთავრობამ მიიღო გადაწყვეტილება და მას შევუძინეთ ახალი შენობა, რომელიც არის 40 მილიონის ღირებულების. ასევე მსოფლიო ბანკის პროგრამის ფარგლებში ახალ შენობაში დაიწყება რემონტი, რათა მათ მიეცეთ იმ პირობებში მუშაობის გაგრძელების საშუალება, რომელიც ნებისმიერი ნორმალური კლინიკის ფუნქციონირებისათვის არის აუცილებელი,"- განაცხადა ჯანდაცვის მინისტრმა.
