საზოგადოება
23/07/2021
მთავრობა ვაქცინირებულებისთვის წამახალისებელი ღონისძიებების შემოღებას ისევ განიხილავს
მთავრობა ისევ განიხილავს, ვაქცინაციის წახალისების მიზნით რა ღონისძიებები შემოიღონ.
ჯანდაცვის მინისტრის ეკატერინე ტიკარაძის განცხადებით, მუშაობა კერძო სექტორთან ერთად მიმდინარეობს და საბოლოო ვერსია სავარაუდოდ მომდევნო კვირაში ექნებათ.
“ჩვენ ამასთან დაკავშირებით კერძო სექტორთან ერთად ვმუშაობთ, ვინაიდან ეს რა თქმა უნდა მხოლოდ სახელმწიფოს მხრიდან ვერ იქნება დადგენილი. მნიშვნელოვანია კერძო სექტორის ინტენსიური ჩართულობა. საბოლოო ფორმა ჯერ არ არის შეჯერებული, თუმცა მიმდინარეობს ინტენსიური მუშაობა ამ ღონისძიებებთან დაკავშირებით. ვფიქრობ, შემდეგი კვირისთვის ჩვენ უკვე ჩამოყალიბებულები უნდა ვიყოთ, თუ რა მიმართულებით მივდივართ“,- აღნიშნა ეკატერინე ტიკარაძემ.
შეგახსენებთ, წამახალისებელი ღონისძიებების შემოღების შესახებ დაახლოებით 1 თვის წინ დაანონსდა.
