მოსწავლე-ახალგაზრდობის სასახლის რეაბილიტაციისთვის 34 მილიონი დაიხარჯება
მოსწავლე-ახალგაზრდობის სასახლის სარეაბილიტაციო სამუშაოებს დაახლოებით 34 მილიონი ლარი მოხმარდება. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.
მისი თქმით, სარეაბილიტაციო სამუშაოები 2023 წელს დასრულდება.
„ეს არის კულტურული მემკვიდრეობის ძეგლი და თითოეულ დეტალს განსაკუთრებული ყურადღბა ენიჭება, თითოეულ ორნამენტს, იმ ღირებულ ნაწილს, რომელიც ამ სასახლეს გააჩნია. შესაბამისად ძალიან სენსიტიური სამუშაო იქნება ჩასატარებელი. სარეაბილიტაციო სამუშაოები ჩატარდება, როგორც ფასადზე, ასევე ინტერიერში. მოეწყობა ახალი სახურავი, განხორციელდება სასახლის მხატვრული დეკორატიული დარბაზების საკონსერვაციო-სარეაბილიტაციო სამუშაოები. მოხდება შენობა-ნაგებობის კონსტრუქციული გამაგრება, საინჟინრო ქსელების რეაბილიტაცია, ასევე ეზოს კეთილმოწყობითი სამუშაოები“,- აღნიშნა კახა კალაძემ.
თბილისის მერის ინფორმაციით, პროექტის განხორციელების ფარგლებში რუსთაველის გამზირის მხარეს, დროებით სამშენებლო ღობე განთავსდება.
