"მოქალაქეებს ხარისხიანი მედიკამენტები უნდა მივაწოდოთ" - 2022 წლიდან ახალი სტანდარტი ამოქმედდება 

2022 წლის იანვრიდან ქართულ ფარმაცევტულ ბაზარზე GMP და GDP სტანდარტი ამოქმედდება. 

სამედიცინო და ფარმაცევტული საქმიანობის რეგულირების სააგენტოს დირექტორის, ზაალ კაპანაძის შეფასებით, ახალი სტანდარტის დანერგვა საქართველოში წარმოებული მედიკამენტის ხარისხს გააუმჯობესებს.

"2020 წლის იანვრიდან კომპანიებს ვალდებულება აქვთ, რომ უნდა დააკმაყოფილონ კარგისაწარმოო პრაქტიკა, აგრეთვე სადისტრიბუციო პრაქტიკა. აღნიშნული ხარისხობრივ შემადგენელ ნაწილს წარმოადგენს. საბოლოოდ, პროდუქტის მომხმარებლები, რომელსაც აღნიშნული კომპანიები აწარმოებენ, არიან ჩვენი მოქალაქეები. სამინისტრო, მწარმოებლები, რეგულირების სააგენტო ვთანხმდებით იმაზე, რომ ძალიან მნიშვნელოვანია, გარემო, სადაც იწარმოება მედიკამენტები, იყოს შესაბამისად სტრუქტურიზებული, რადგან მოქალაქეებს ხარისხიანი მედიკამენტები მივაწოდოთ. 2022 წლის იანვრიდან ეს სტანდარტი მთლიანად შემოდის ქვეყანაში. ამ სტანდარტზე გადასვლა მწარმოებელ კომპანიებს იმპორტის გაზრდის საშუალებას მისცემს", - აღნიშნა ზაალ კაპანაძემ. 

მისი თქმით, ამ ეტაპზე ქვეყანაში 70-მდე ფარმაწვეტული კომპანიაა, რომლებიც სხვადასხვა ტიპის ფარმაცევტულ პროდუქციას აწარმოებენ. იმის გასარკვევად, რამდენი დააკმაყოფილებს ახალ სტანდარტს, კომპანიებმა შესაბამისი ინსპექტირება უნდა გაიარონ. 

"სააგენტოს თანამშრომლები ადგილზე მივლენ და შეისწავლიან საწარმოს ხარისხობრივ შემადგენელს. შესაბამისად ამის შემდეგ გვეცოდინება, ვინ დააკმაყოფილა და ვინ არა", - განაცხადა ზაალ კაპანაძემ. 

ზაალ კაპანაძის ინფორმაციით, საქართველოს მეზობელი ქვეყნები ახალ სტანდარტზე არიან გადასულები. 

"ეს არის ხარისხობრივი შემადგენელი, რომელიც გადის ჩვენი მოსახლეობის ჯანმრთელობაზე", - განაცხადა ზაალ კაპანაძემ. 

მისი თქმით, რეგულირების სააგენტო მუდმივად ახორციელებს მონიტორინგს, რის შედეგადაც გამოვლინდა, რომ რამდენიმე კომპანია სტანდარტს ვერ აკმაყოფილებდა და დაიხურა. 

"ასევე ამოღებულია პროდუქცია, რომელიც მათ მიერაა ნაწარმოები. ქსელში თუ იყო გაშვებული პროდუქცია, ასევე ქსეილდანაც არის ამოღებული", - აცხადებს ზაალ კაპანაძემ. 

ინფორმაციისთვის, GMP და GDP სტანდარტებზე გადასვლასთან დაკავშირებით ჯანდაცვის სამინისტროში ფარმაცევტთა ასოციაციასთან და ფარმაცევტულ მწარმოებლებთან შეხვედრა გაიმართა.