საზოგადოება
09/02/2021
მე-5 კლასიდან ზემოთ მოსწავლეებისთვის პირბადე სავალდებულო იქნება
განათლების მინისტრის მიხეილ ჩხენკელის განცხადებით, ყველა სკოლაში, მე-5 კლასიდან ზემოთ მოსწავლეებისთვის აუცილებელი იქნება პირბადის ტარება.
„დღესვე დაურიგდებათ სკოლებს დეტალური ინსტრუქცია და ყველა სკოლა ამაზე მოახდენს კომუნიკაციას მშობლებთან. ყველაფერი კეთდება იმისთვის, რომ შენარჩუნდეს ის კარგი დინამიკა, რომელიც გვაქვს“, - აღნიშნა მიხეილ ჩხენკელმა.
შეგახსენებთ, რომ 15 თებერვლიდან სასწავლო პროცესი დიდ ქალაქებშიც საკლასო ოთახებში განახლდება, თუმცა მშობლებს აქვთ არჩევანის გაკეთების შესაძლებლობაც.
