მაია ცქიტიშვილი: გადაადგილების შეზღუდვის უფრო გამკაცრება სწორი იქნებოდა

ვიცე-პრემიერის მაია ცქიტიშვილის განცხადებით, 21:00 საათიდან 05:00 საათამდე დადგენილი გადაადგილების შეზღუდვა ძალაში რჩება. არც ცვლილებები არ იგეგმება.

„სავაჭრო ცენტრების, სკოლების, ტრანსპორტის და ღია სივრცეებში კვების ობიექტების გახსნით გამოწვეული დამატებითი მობილობა დასაკომპენსირებელია სხვა ტიპის მობილობის შეზღუდვით. გადაადგილების შეზღუდვის უფრო გამკაცრება სწორი იქნებოდა, მაგრამ იმის გამო, რომ ვითვალისწინებთ ჩვენი თანამოქალაქეების და ბიზნესის ინტერესს, ამიტომ ჯერ ჩვენ 21:00 საათს არ ვეხებით“,- აღნიშნა მაია ცქიტიშვილმა.

შეგახსენებთ, რომ საკოორდინაციო საბჭომ შეზღუდვების მოხსნის გადაწყვეტილება მიიღო. 8 თებერვლიდან აღდგება მუნიციპალური ტრანსპორტი, თუმცა ძალაში რჩება საქალაქთაშორისო ტრანსპორტის გადაადგილების შეზღუდვა. 15 თებერვლიდან სკოლებს დაუბრუნდებიან მოსწავლეები, კვების ობიექტები ღია სივრცეების გახსნას შეძლებენ.