საზოგადოება
25/07/2022
ლევან დავითაშვილი: საქართველო სანქცირებულ ნავთობს არ ყიდულობს
"საქართველო სანქცირებულ ნავთობს არ ყიდულობს", - ასე პასუხობს ეკონომიკის მინისტრი ოპოზიციის ბრალდებას, რომლის თანახმადაც კონკრეტულ ბიზნესმენებს საქართველოში რუსული ნავთობი შემოაქვთ.
მისი თქმით, დასახელებული კომპანიების მიერ შეძენილი ნავთობი სანქცირებული არ არის. საუბარია "ვისოლ ჯგუფზე", "არაგვი იმპექსი", "ლუკოილი".
"ასეთივე ნავთობს ყიდულობს ევროპის ძალიან ბევრი ქვეყანა. საქართველოში, კერძო კომპანიების მხრიდან გადაწყვეტილებები მიიღება ზუსტად იმ პრაქტიკით, რომელიც არსებობს. ამ ნავთობრპროდუქტებთან მიმართებაში გადაწყვეტილებები შეთანხმებულია, შეჯერებულია და გავლილია ჩვენს სტრატეგიულ პარტნიორებთან. ეს საკითხი შეგვიძლია დავხუროთ", - აღნიშნა ლევან დავითაშვილმა.
