საზოგადოება
06/07/2020
ხაიშთან ხანძრის ქრობის პროცესში ვერტმფრენი ჩაერთო
მესტიის მუნიციპალიტეტის სოფელ ხაიშთან, ტყის მასივში გაჩენილი ხანძრის ქრობის პროცესში სასაზღვრო პოლიციის ვერტმფრენი ჩაერთო.
შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შესული ინფორმაციით, ტყის მასივში შეინიშნებოდა ძლიერი დაკვამლიანება.
საგანგებო სიტუაციების მართვის სამსახურის ცნობით, ტყის ხანძარზე რეაგირება უმოკლეს დროში მოხდა. ადგილზე გამოცხადდა ცოცხალი ძალა ჯვრის, წალენჯიხის და მესტიის განყოფილებებიდან, 20 მეხანძრე-მაშველის შემადგენლობით.
პირველადი ინფორმაციით, ცეცხლი გავრცელებულია შერეული ტყის მასივზე.
ამ დროისთვის ხანძრის ქრობის სამუშაოები უწყვეტ რეჟიმში მიმდინარეობს.
