ქართულ ჯარს Toyota Land Cruiser-ის საამბულატორო ავტომობილები მოემსახურება
თავდაცვის სამინისტრომ სამედიცინო დანიშნულების მაღალი გამავლობის ახალი ავტომანქანები შეიძინა. Toyota Land Cruiser-ის მაღალი გამავლობის „ამბულანსები“ ქართულ ჯარს მოემსახურება.
თანამედროვე ინვენტარით აღჭურვილი სამედიცინო ავტომობილები თავდაცვის ძალების სხვადასხვა სარდლობაში გადანაწილდება.
ქვედანაყოფები Toyota Hilux ტიპის პიკაპებითა და Toyota Land Cruiser-ით აღიჭურვა.
ახალი პროექტის მიხედვით, მოძველებული საბჭოთა წარმოების სპეც-ტექნიკა თანამედროვე, მსოფლიო და ევროპული ლიდერი კომპანიების - გერმანული MAN-ის, იტალიური IVECO-ს და ამერიკული FORD-ის სპეციალური დანიშნულების ავტოსატრანსპორტო საშუალებებით ჩანაცვლდება.
თავდაცვის სამინისტროს ცნობით, სულ თავდაცვის სამინისტრო 500-ზე მეტ ერთეულ სპეციალური დანიშნულების ტექნიკას შეიძენს. აღნიშნული პროექტი ჯარის ავტოტექნიკით დაკომპლექტებასა და თავდაცვითი შესაძლებლობების გაუმჯობესებას ისახავს მიზნად.
