საზოგადოება
11/05/2021
იმუნიზაციის საბჭო AstraZeneca-ზე ასაკის დაწევის და sinovac-ის გამოყენების საკითხს განიხილავს
ჯანდაცვის სამინისტროში დღეს იმუნიზაციის საბჭოს სხდომა გაიმართება.
ამირან გამყრელიძის განცხადებით, სხდომაზე “ასტრაზენეკას“ ვაქცინაზე ასაკის დაწევის საკითხი განიხილავენ. აგრეთვე იმსჯელებენ ჩინური “სინოვაკის“ ადმინისტრირების დაწყების საკითხზე.
“დღევანდელ ეტაპზე ვაქცინაციაზე მოთხოვნა აჭარბებს მიწოდებას, ჩვენ როგორმე ეს უნდა დავაბალანსოთ“, - აღნიშნა ამირან გამყრელიძემ.
ინფორმაციისთვის, საქართველოში “ასტრაზენეკას“ გამოყენება დაშვებულია 55 წელს ზევით ასაკის პირებში. “სინოვაკი“ კი, რომელიც ქვეყანას ჩინეთმა აჩუქა, ამ ეტაპზე არ გამოიყენება.
