ჰაწვალს განაშენიანების რეგულირების გეგმა წლის ბოლომდე ექნება
ჰაწვალის კურორტს მიმდინარე წლის ბოლომდე განაშენიანების რეგულირების გეგმა ექნება. დოკუმენტის პირველადი ვერსია უკვე მომზადებულია, დარჩენილია მიწის მესაკუთრეებთან კონსულტაციები.
როგორც მესტიის მერმა კაპიტონ ჟორჟოლიანმა “ბიზნესპარტნიორს“ განუცხადა, ამჟამად მიმდინარეობს სამუშაო პროცესი.
„ასევე ვმუშაობთ მესტიის სივრიცითი მოწყობის დოკუმენტზე. გვინდა მოსახოლეობის ჩართულობა მაქსიმალური იყოს. უახლოეს მომავალში საჯარო განხილვებს დავიწყებთ. აქ მთაა და ძალიან დიდი დაფიქრებაა საჭირო იმისთვის, რომ სამომავლოდ ჰაწვალის კურორტი კურორტად დარჩეს და სიმახინჯეები არ მივიღოთ. მას შემდეგ რაც საჯარო განხილვები დასრულდება, დოკუმენტს გავუგზავნით რეგიონალური განვითარებისა და ინფრასტრუქტურის სამინისტროს შენიშვნებისთვის,“ - აცხადებს ჟორჟოლიანი.
მისივე განცხადებით, მესტიის მუნიციპალიტეტი არ ჩქარობს განაშენიანების რეგულოირების გეგმის მიღებას, რათა დაჩქარებულ ტემპებში რაიმე ტიპის შეცდომა არ იქნას დაშვებული.
„გვინდა ყველა მხარის ინტერესები გავითვალსიწინოთ, რათა საბოლოო ჯამში არ მივიღოთ "გაფუჭებული" კურორტი,“ - აცხადებს ჟორჟოლიანი.
