გიორგი გახარია: ხალხის შეგრძნებებს ვსწავლობთ და ვგრძნობთ

საკოორდინაციო საბჭოს გადაწყვეტილებით 1-ელ ოქტომბარმდე დიდ ქალაქებში სასწავლო პროცესი დისტანციურ რეჟიმში წარიმართება.

პერმიერ-მინისტრის განცხადებით, მკაცრი ეკონომიკური შეზღუდვების დაწესება არ იგეგმება, თუმცა ეს სამთავრობო გუნდისა და ეპიდემიოლოგების მოდუნებას არ ნიშნავს.

„ჩვენ ყველაფერი გავაკეთეთ სწორად. გავაკეთეთ იმისთვის, რომ საბოლოოდ ეკონომიკა არ გადაგვეკეტა. ჩვენ ჩვენს ხალხთან კავშირი გვაქვს. ჩვენი ხალხის შეგრძნებებს ვსწავლობთ და ვგრძნობთ. ვხვდებით, რომ მსგავსი შეზღუდვების პირობებში მოქალაქის პასუხისმგებლობა უფრო ძლიერი ინსტრუმენტია, ვიდრე ჯარიმა. რთულია მსგავსი გლობალური გამოწვევის პირობებში 6 თვის ისე გავლა, როგორც ჩვენ გავიარეთ. ეს იყო 24 საათიანი მუშაობა, რომელიც ახლაც გრძელდება. ჩვენ კი არ მოვდუნდით, არამედ მივეცით მოქალაქეებსაც და ეკონომიკასაც იმის საშუალება, რომ საბოლოოდ არც ეკონომიკა გაგვენადურებინა და არც ჩვენი მოქალაქეების ფსიქოლოგიური მდგომარეობა“,- განაცხადა გიორგი გახარიამ.