გიორგი ბახტურიძე: პოლიტიკოსებისა და თამბაქოს ინდუსტრიის შეხვედრა გამჭვირვალე უნდა იყოს
თამბაქოს კონტროლის ალიანსის ხელმძღვანელი გიორგი ბახტურიძე თამბაქოს ინდუსტრიას და პოლიტიკოსებს კორუფციულ გარიგებებში ადანაშაულებს.
როგორც მან “ბიზნესპარტნიორთან“ განაცხადა, მათი შეხვედრები გამჭვირვალე უნდა იყოს, მთავრობამ ამის შესაბამისი ნორმატიული აქტი უნდა დაამტკიცოს.
“მთავრობას 2.5 წლის წინ უნდა დაემტკიცებინა ნორმატიული აქტი, რომლითაც მოხდებოდა თამბაქოს ინდუსტრიასა და საჯარო მოხელეებს, პოლიტიკოსებს შორის შეხვედრების გამჭვირვალეობის უზრუნველყოფა.
არც გიორგი კვირიკაშვილის, არც მამუკა ბახტაძის და არც გიორგი გახარიას მთავრობებმა ეს დოკუმენტი არ დაამტკიცეს, მიუხედავად იმისა, რომ ყველაფერი შეთანხმებულია. ახლა ირაკლი ღარიბაშვილის მთავრობას მოუწოდა 2 თვის წინ ოფიციალური დადგენილებით პარლამენტმა, რომ დროულად მიიღონ ეს დოკუმენტი, რომელიც ღიას და საჯაროს გახდის სწორედ ამ კულუარულ ურთიერთობებს და კორუფციის სერიოზული რისკების შემცველ თანამშრომლობას თამბაქოს კრიმინალურ ბიზნესთან“, - აღნიშნა გიორგი ბახტურიძემ.
