GCAP-მა $180 მლნ-იანი გარიგება დაასრულა – Aqualia-მ GGU-ს 65%-იანი წილი შეიძინა

Georgia Capital-მა მსხვილ ესპანურ კომპანიასთან გარიგება დაასრულა.

ესპანურმა Aqualia-მ Georgia Capital-ის შვილობილი GGU-ს 65%-იანი წილი $180 მლნ-ად შეიძინა. შესაბამისად, ამიერიდან Georgia Capital-ის წილი GGU-ში 35%-ია.

გარიგება ორი საფეხურისგან შედგება, მეორე ეტაპი 2022 წლის ივლის-აგვისტოში იგეგმება და GGU-ს ევროობლიგაციების გამოსყიდვას.

ამ მსხვილი გარიგების მოლოდინის გამო, Fitch Ratings-მა ცოტა ხნის წინ Georgia Global Utilities-ს გრძელვადიანი ემიტენტის დეფოლტ რეიტინგი B+-ით განსაზღვრა, მოსალოდნელი აღდგენის რეიტინგი კი B+-დან RR4- ია.

Fitch-ი განმარტავდა, რომ აღნიშნულის გათვალისწინებით, GGU-ს ბიზნეს რისკებისა და ვალის მოცულობის ცვლილებას არ ელის.

„ჩვენ შესაძლოა მივიღოთ რეიტინგის შემცირების გადაწყვეტილება იმ შემთხვევაში, თუ დავინახავთ, რომ ახალი მეწილე აგრესიულ ფინანსურ პოლიტიკას გაატარებს, რის შედეგადაც კომპანიის საკრედიტო მაჩვენებლები მიმდინარე რეიტინგის შეუსაბამო გახდება. ამის მსგავსად, ძლიერი ფინანსური მაჩვენებლები რეიტინგის ზრდის საფუძველი იქნება“,- ნათქვამია Ficth-ის განცხადებაში.