საზოგადოება
25/01/2022
გამყრელიძე: შეზღუდვების დაწესება ყველაზე ბოლოს სკოლებს უნდა შეეხოს
კორონა ვირუსით ინფიცირების მომატებული შემთხვევების ფონზე დღეს საკოორდინაციო საბჭომ სკოლების ფუნქციონირების შესახებ იმსჯელა.
თუმცა, შეზღუდვების დაწესება, ან სასწავლო პროცესის ონლაინ რეჟიმში გადატანა ამ ეტაპზე არ იგეგმება.
"ჩემი რეკომენდაციაა, რომ თუ შეზღუდვები დაწესდება, ყველაზე ბოლოს ის სკოლებს უნდა შეეხოს და სკოლები ყოველთვის ყველაზე ადრე უნდა გაიხსნას. პანდემიის პერიოდში ერთ-ერთი ყველაზე დიდი ზიანი სკოლასა და განათლების სისტემას მიადგა. დღეს სერიოზული ანალიზი გავაკეთეთ სკოლებთან დაკავშირებით. ძალიან ცოტა სკოლა და კლასია ონლაინ რეჟიმზე გადასული. აქედან გამომდინარე, საჭიროდ ჩავთვალეთ რომ სკოლებზე დაკვირვება გაგრძელდეს",- განაცხადა გამყრელიძემ.
