გამყრელიძე: ორი კვირის განმავლობაში ომიკრონის მეტი შემთხვევა გვექნება, ნუ მიეცემით პანიკას

ეპიდემიოლოგები მომავალი ორი კვირის განმავლობაში კორონა ვირუსით ინფიცირების კიდევ უფრო მეტი შემთხვევის გამოვლენას ელიან. დაავადებათა კონტროლის ცენტრის ხელმძღვანელის, ამირან გამყრელიძის განმარტებით, ქვეყანაში იმაზე 4-ჯერ მეტი დაინფიცირებულია, ვიდრე გამოვლენილ შემთხვევათა რაოდენობაა. 

"ომიკრონის ცირკულაცია მომავალი ორი კვირის განმავლობაში ქვეყანაში კიდევ უფრო გაიზრდება. ანუ, შემთხვევათა რაოდენობა კიდევ უფრო მეტი გვექნება. დადებითობის მაჩვენებელი დაახლოებით 20%-ის ფარგლებშია. მართალია, 15 ათასზე მეტი შემთხვევა გამოვლინდა, თუმცა ამაზე 3-4-ჯერ მეტი უნდა ვიანგარიშოთ. ეს არის ის კლინიკური ფორმები, რომელიც ადამიანებს თითქმის უსიმპტომოდ, ან მცირე სიმპტომით აქვთ. ასეთი ადამიანები სახლში უნდა იყვნენ. მე არ ვარ დარწმუნებული, რომ ისინი სახლში არიან",- განაცხადა გამყრელიძემ. 

ცნობისთვის, დღეს ქვეყანაში კორონა ვირუსის 15 742 შემთხვევა გამოვლინდა.