საზოგადოება
25/01/2022
გამყრელიძე: გვაქვს ინიციატივა, უსიმპტომო ადამიანების ტესტირება დროებით შევაჩეროთ
1-ელი თებერვლიდან, შესაძლოა უსიმპტომო მოქალაქეების ტესტირება აღარ ჩატარდეს.
დაავადებათა კონტროლის ცენტრის ხელმძღვანელის, ამირან გამყრელიძის განმარტებით, ეს ინიციატივა არ შეეხება სამედიცინო პერსონალს და იქნება დროებითი.
"ჩვენ დღეს საკოორდინაციო საბჭოზე შევედით წინადადებით, რომ 1-ელი თებერვლიდან, დროებით, უსიმპტომო პირების ე.წ სისტემური ტესტირება შევაჩეროთ. ეს არ ეხება სამედიცინო პერსონალს. ძირითადად უნდა გადავერთოთ მხოლოდ სიმპტომებიანი ადამიანების ტესტირებაზე. იქ, სადაც სავალდებულო იყო უსიმპტომო ადამიანების ტესტირებაც, ეს უნდა შევაჩეროთ. როგორც სწრაფი, ასევე PCR ტესტებით",- განაცხადა გამყრელიძემ.
