გამყრელიძე: გაუარესებულია ყველა ინდიკატორი, დადებითობის მაჩვენებელი დღეს 10%-ს აჭარბებს
წინა სამშაბათთან შედარებით დღეს კორონავირუსის 2000-ით მეტი შემთხვევა დაფიქსირდა.
ამირან გამყრელიძის თქმით, გაუარესებულია ყველა ინდიკატორი, დადებითობის მაჩვენებელი დღეს 10%-ს აცდა, თუმცა ბოლო 1-2 კვირის არის 6-7%-ის ფარგლებში.
„სიკვდილიანობის მაჩვენებელი ჩამოსცილდა ჩვენს მიერ დაწესებულ ზღვარს, თუმცა ეს დამშვიდების საფუძველს არ იძლევა. თუ ვერ ავწიეთ აცრის მაჩვენებელი მე-5 ტალღა ბევრად რთული იქნება. ბევრ რამეს ვცდილობთ, შემდეგი კვირიდან 49 დიდ სოფელში დაიწყება მარათონი, აცრების მეტი ინტენსიფიცირებისთვის. ხვალ გავდივართ შიდა ქართლის 4 დიდ სოფელში, შემდეგ ქვემო ქართლის 13 სოფელში, სადაც წინასწარ იმუშავებენ ჩვენი ჯგუფები მოსახლეობის მობილიზირებისთვის.
გვინდა მობილური ბრიგადებით და ადგილობრივი ექიმების საშუალებით გავააქტიურობთ აცრები და მეტი მოტივაცია გაჩნდეს ვაქცინაციასთან მიმართებაში. დღეს საკოორდინაციო საბჭოზე განვიხილეთ რამდენიმე მნიშვნელოვანი საკითხი, თუმცა სანამ გადაწყვეტილება არ იქნება მიღებული დეტალებს ვერ გეტყვით."–აღნიშნავს დაავადებათა კონტროლის ეროვნული ცენტრის ხელმძღვანელი.
