საზოგადოება
01/03/2021
ევროპული საბჭოს პრეზიდენტი: ყველაფერს გავაკეთებთ, რომ საქართველოს ვაქცინაზე წვდომა მალე ჰქონდეს
ევროპული საბჭოს პრეზიდენტის შარლ მიშელის განცხადებით, ყველაფერი გაკეთდება, რათა საქართველოს კორონავირუსის საწინააღმდეგო ვაქცინაზე წვდომა მალე ჰქონდეს.
მისი თქმით, ევროპა საქართველოს ძლიერ სოლიდარობას კიდევ აჩვენებს.
„ჩვენ დაახლოებით 400 მილიონი ევროს მობილიზება გავაკეთეთ იმისათვის, რომ მოხდეს კრიზისის დაძლევა. ამ მომენტში ვაქცინაციაა მთავარი გამოწვევა. ევროკავშირი „კოვაქს“ პლატფორმის მთავარი დონატორია. იმედი მაქვს, რომ ამ ქვეყანაშიც იქნება ვაქცინების დისტრიბუცია. ჯანდაცვის მსოფლიო ორგანიზაციასთან ერთად, ყველაფერს გავაკეთებთ იმისათვის, რომ საქართველოს ვაქცინის დოზებზე წვდომა მალე ჰქონდეს“, - აღნიშნა შარლ მიშელმა საქართველოს პრეზიდენტის ადმინისტრაციაში გამართულ ბრიფინგზე.
