ევროპული საბჭოს პრეზიდენტი: ევროკავშირი საქართველოს გვერდით დგას
ევროპული საბჭოს პრეზიდენტი შარლ მიშელი აცხადებს, რომ ევროკავშირი საქართველოს სოციალურ-ეკონომიკური პრობლემების დასაძლევად მხარში უდგას.
აგრეთვე, შარლ მიშელი პირობას დებს, რომ საქართველო უახლოეს პერიოდში კორონავირუსის საწინააღმდეგო ვაქცინას მიიღებს.
„ევროკავშირი საქართველოს გვერდით დგას. პანდემიის პერიოდში ევროკავშირი და ჩვენი გუნდი მხარს უჭერს საქართველოს 1.5 მილიარდი ევროს ოდენობის პაკეტში, იმისათვის, რომ მოხდეს სოციალურ- ეკონომიკური საკითხების დაძლევა. ჩვენ ვართ ყველაზე დიდი მონაწილე ამ პროცესში, იმისათვის, რომ თქვენ გქონდეთ წვდომა ვაქცინებზე. გარწმუნებთ, საქართველოს უახლოეს პერიოდში ექნება ვაქიცნებზე წვდომა“, - განაცხადა ევროპის საბჭოს პრეზიდენტმა საქართველოს მთავრობის ადმინისტრაციაში პრემიერ-მინისტრ ირაკლი ღარიბაშვილთან ერთად გამართულ ბრიფინგზე.
