საზოგადოება
12/02/2021
"ეს ჭორები უკვე მომაბეზრებელი გახდა" - გახარია გადადგომას არ აპირებს
პრემიერ-მინისტრი გიორგი გახარია ამბობს, რომ თანამდებობის დატოვებას არ აპირებს.
„წელიწადზე მეტია, მესმის ეს კითხვები, როდის მიდიხარ, დღეს, ხვალ, გუშინ ხომ არ წახვედი? ჯერჯერობით მოვდივარ, ხომ ხედავთ?!“ - განაცხადა გიორგი გახარიამ ჟურნალისტებთან საუბრისას.
მისი თქმით, თანამდებობის დატოვების თემაზე საუბარი უკვე მომაბეზრებელი და იუმორის ნაწილი გახდა.
„ეს არის ჩვეულებრივი ჭორები, რომელიც უკვე მომაბეზრებელი გახდა.ხომ შეიძლება რაღაც საინტერესო, შინაარსობრივ თემებზე ვისაუბროთ, ხომ არ შეიძლება, წელიწად-ნახევრის განმავლობაში ჟურნალისტებთან რამდენჯერაც დავდგები, კითხვა იყოს, როდის მიდიხართ ან როდის გადადგებით? უკვე იუმორის ნაწილი გახდა ეს ყველაფერი“, - განაცხადაა გიორგი გახარიამ.
