საზოგადოება
07/07/2021
ეკატერინე ტიკარაძე: საქართველოდან პაციენტების ექსპორტი აღარ განხორციელდება
ჯანდაცვის მინისტრს ეკატერინე ტიკარაძეს ჯანდაცვის სექტორის მიმართულებით ამბიციური გეგმები აქვს.
მისი თქმით, პარლამენტში ინიცირებული კანონპროექტები, დამტკიცების შემდეგ, ჯანდაცვის სექტორს მაღალ დონეზე აიყვანს.
მინისტრს მიაჩნია, რომ საქართველოს აქვს პოტენციალი, სამედიცინო ტურიზმის სფეროდ იქცეს. პაციენტები კი, საქართველოდან მკურნალობის მიღების მიზნით აღარ გავლენ.
“ექსპორტი, რომელიც საქართველოდან ხდება, აღარ განხორციელდება. ჩვენი ჯანმრთელი და მნიშვნელოვნად ხარისხობრივად გაუმჯობესებული სექტორის მხრიდან, პირიქით ვიმუშავებთ იმაზე, რომ საქართველოში ჯანდაცვის ტურიზმი დავნერგოთ, რომელსაც საკმაოდ დიდი პოტენციალი გააჩნია ჩვენი რეგიონული მდგომარეობიდან გამომდინარე“,- აღნიშნა ეკატერინე ტიკარაძემ.
