Danfoss-ი ტექნოლოგიების კვლევით ლაბორატორიას გახსნის და ქართველ ინჟინრებს გადაამზადებს
მანქანა-დანადგარებისა და აპარატურის წარმოების სფეროში მსოფლიოში ერთ-ერთი ლიდერი დანიური კომპანია Danfoss-ი საქართველოს ტექნიკურ უნივერსიტეტთან თანამშრომლობით, თანამედროვე ტექნოლოგიების კვლევით ლაბორატორიის გახსნის და ქართველ ინჟინრებს გადაამზადებს.
გადამზადების პროგრამა ქართველ ახალგაზრდებს საშუალებას მისცემს გაეცნონ და დაეუფლონ თანამედროვე ტექნოლოგიებს, ხოლო სტაჟირება დანიური კომპანიის „Danfoss“ - ის საწარმოებში გაიარონ.
ეკონომიკის მინისტრის თქმით, მას შემდეგ, რაც კომპანიაში შეიტყეს, რომ საქართველო ახორციელებს ენერგეტიკულ რეფორმას და მიღებულია კანონი ენერგოეფექტურობის შესახებ, სურვილი გამოხატეს, უახლოეს მომავალში თავისი წარმომადგენლები გამოაგზავნონ და ინვესტიციის განხორციელებისა და წარმოების გადმოტანაზე გადაწყვეტილების მიღებამდე, დააფინანსონ ტრენინგები ქართველი ინჟინრებისთვის.
"აღნიშნული კადრები მომავალში შესაძლოა, Danfoss-ის საწარმოში დასაქმდნენ,“ - განაცხადა ნათია თურნავამ Danfoss-ის ტოპ-მენეჯმენტთან ონლაინ-შეხვედრის დასრულების შემდეგ.
მინისტრის განცხადებით, დანიური კორპორაციის წარმომადგენლები საქართველოს ეწვივიან და ადგილზე გაეცნობიან ქვეყნის ეკონომიკურ და საინვესტიციო პოტენციალს.
