CRRC: მოსახლეობის 57% პრეზიდენტის ქმედებებს ომთან მიმართებაში დადებითად აფასებს

CRRC-ის კვლევის მიხედვით, გამოკითხულთა 61% ქართული მედიის ბოლოდროინდელ მოქმედებებს რუსეთ–უკრაინის ომთან მიმართებაში დადებითად აფასებს, ხოლო 13% ცუდად.

რაც შეეხება პრეზიდენტ სალომე ზურაბიშვილის ქმედებებს, მოსახლეობის 57% კარგად აფასებს, 7% ძალიან კარგად და 11% ცუდად.

ირაკლი ღარიბაშვილის ბოლოდროინდელი ქმედებები გამოკითხულთა 34%–მა დადებითად, 24%–მა უარყოფითად შეაფასა, 15%-მა კი ძალიან ცუდად.

საქართველოს პარლამენტის შემთხვევაში, დადებითი და უარყოფითი შეფასებები თითქმის ერთ დონეზეა, მაგრამ 12% პარლამენტის ქმედებებს ძალიან ცუდად მიიჩნევს.

ინფორმაციისთვის, 2022 წლის 7-10 მარტს კავკასიის კვლევითი რესურსების ცენტრმა, CRRC-საქართველომ საქართველოს სრულწლოვანი მოსახლეობის სატელეფონო გამოკითხვა ჩაატარა.