Bloomberg: რუსეთიდან "ტვინების" გადინება ოფიციალურად მიმდინარეობს
თბილისის ცენტრში, ვაკის პარკთან, დიმიტრი კლიმენკო ახალი ღამის კლუბის გახსნისთვის ემზადება.– ამის შესახებ გამოცემა Bloomberg-ი წერს და აღნიშნავს, რომ რუსეთიდან "ტვინების" გადინება ოფიციალურად მიმდინარეობს.
ახალი სივრცის სამიზნე კლიენტურა ათიათასობით დეზორიენტირებული თანამემამულე რუსი, ბელორუსი და უკრაინელი ხალხი იქნება, რომლებიც გამოიქცნენ საქართველოს დედაქალაქში, რადგან ვლადიმერ პუტინის ომმა მათი პერსპექტივები საკუთარ სამშობლოში გააქრო.
ცნობისთვის, არაერთი ღამის კლუბის ავტორმა დიმიტრი კლიმენკომ რუსეთი 7 მარტს დატოვა, რაც რუსეთის უკრაინაში შეჭრას უკავშირდება.
"30 000-ზე მეტი რუსეთის მოქალაქე შეუერთდა საქართველოში ემიგრაციას, მათ შორის დაახლოებით 20 000 ტექნიკური მუშაკი. როგორც IT სპეციალისტები, ისინი ვერ ხედავენ მომავალს რუსეთში, რადგან უსაფრთხოების სამსახურები აძლიერებენ კონტროლს ინტერნეტზე, საერთაშორისო სანქციები აფერხებს ეკონომიკას და უცხოური კომპანიები ტოვებენ რუსეთს. ესენი არიან ახალგაზრდა, განათლებული და ფინანსურად შემდგარი ადამიანები",– წერს Bloomberg-ი.
