ბაზრებსა და ბაზრობებზე კონტროლი გამკაცრებულია

საკოორდინაციო საბჭო ისპექტირებას განაგრძობს. დღეიდან ბაზრებსა და ბაზრობებზე ინპექტირება მთელი ქვეყნის მასშტაბით განხორციელდება.

გასულ კვირას, თბილისის მასშტაბით შემოწმება თითქმის ყველა ბაზარმა გაიარა, მათ შორის - „ლილოს“, „ელიავას“, „დეზერტირების“, „ნავთლუღის“, „დიდუბისა“ და „გლდანის“, ასევე - ვარკეთილისა და დიღომში არსებულმა ბაზრებმა.

მონიტორინგი შრომის ინსპექციის, სურსათის ეროვნული სააგენტოს, შემოსავლების სამსახურისა და თბილისის მერიის მუნიციპალური ინსპექციის წარმომადგენლების ერთობლივი ინტეგრირებული ჯგუფებით ხორციელდება.

ბაზრობებზე დასაქმებულებმა ერთობლივი მონიტორინგის ჯგუფებისგან უსაფრთხოების ზომებთან და დაფიქსირებულ შეუსაბამობებთან დაკავშირებით მითითებები მიიღეს, ასევე გამოყნებული იყო შესაბამისი სანქციებიც.