ასოციაცია "ანიკამ" შშმ პირების კანონის გამარტივებული სახელმძღვანელო გამოუშვა
ასოციაცია "ანიკამ" პროექტის "შეზღუდული შესაძლებლობის მქონე პირთა თანამშრომლობა კანონის საშუალებით უფლებების დასაცავად" ფარგლებში შექმნა სახელმძღვანელო - "საქართველოს კანონი შშმ პირთა უფლებების შესახებ".
საქართველოს კანონის გამარტივებული შინაარსი/კომენტარები არაიურისტი ადამიანებისათვის მარტივად აღქმისა და შშმ პირთა უფლებების უკეთ გაცნობის მიზნით შეიქმნა.
ორგანიზაციამ "შშმ პირთა უფლებების შესახებ" კანონის ცვლილებების ინიცირების დოკუმენტი პარლამენტში წარსადგენად შეიმუშავა.
ასოციაცია "ანიკამ" NDI ფინანსური მხარდაჭერით პარტნიორ ორგანიზაცია "ცვლილებები თანაბარი უფლებებისათვის" დაიწყო ერთ წლიანი პროექტის – "შეზღუდული შესაძლებლობის მქონე პირთა თანამშრომლობა კანონის საშუალებით უფლებების დასაცავად" განხორციელება.
პროექტი ხორციელდება თბილისში, შიდა ქართლში, გურიასა და აჭარაში, რომლის მიზანია "შეზღუდული შესაძლებლობის მქონე პირთა უფლებების შესახებ" საქართველოს ახალი კანონით სახელმწიფოს მიერ აღებული ვალდებულებების რეალიზების ხელშეწყობა მუნიციპალურ დონეზე, შშმ პირთა თემის აქტიური ჩართულობით.
ადვოკატირების კამპანიების ფარგლებში მომზადდა ვიდეო-რგოლი, შეიქმნა თბილისის, შიდა ქართლის, გურიის და აჭარის რეგიონებში მოქმედი შშმ პირთა ორგანიზაციების შესახებ მონაცემთა ბაზები და გაკეთდა მიზნობრივი რეგიონების საჭიროებების ანალიზი და განხორციელდა სემინარები თემის წევრებთან ახალი კანონის შესახებ, რეგიონული საჭიროებეის გათვალისწინებით.
