საზოგადოება
03/02/2021
ამირან გამყრელიძე: ვაქცინაციის მიუხედავად პირბადე მაინც მძლავრ იარაღად რჩება
დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, პანდემიის დამარცხების საშუალებაა ვაქცინაცია.
მისი თქმით, საქართველოში ვაქცინაცია დიდი ალბათობით თებერვლის მეორე ნახევრიდან დაიწყება და გაგრძელდება. თუმცა, ვაქცინაციის მიუხედავად, ინფიცირების პრევენციისთვის, პირბადე მაინც ერთ-ერთ მძლავრ იარაღად რჩება.
„თებერვლის მეორე ნახევარში დიდი ალბათობით ვაქცინაციის პირველ პარტიას დავიწყებთ, მარტიდან კი შედარებით დიდი პარტიები შემოვა ვაქცინის, ამას მოჰყვება ყოველთვიური მოწოდება, ვაქცინაცია აქტიურად წარიმართება ქვეყანაში, ამის მიუხედავად პირბადე ერთ-ერთ მძლავრ იარაღად მაინც რჩება ინფიცირების პრევენციისთვის“,- აღნიშნა ამირან გამყრელიძემ.
