ამირან გამყრელიძე: პირბადის ტარება 62%-მდე შემცირდა

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით საქართველოში პირბადის ტარება 72%-დან 62%-მდე შემცირდა.

„ქვეყანაში ეპიდსიტუაცია სტაბილიზირდება, მაგრამ ეს დამშვიდების საფუძელს არ გვაძლევს. ყველა რეკომენდაცია აუცილებლად უნდა გავითვალისწინოთ.

ჩვენ ძალიან კარგად ვთანამშრომლობთ ჯანმრთელობის გაზომვათა ინსტიტუტთან, რომელიც პროგნოზირებას გვიკეთებს, ასევე ითვლის გუგლის საშუალებით პირბადის ტარების მაჩვენებელს, რომელიც შემოდგომაზე გაზრდილი იყო 72%-მდე. ბოლო მონაცემებით, გვაქვს კლება, 62%-მდე. რადგან ეპიდსიტუაციის სტაბილიზირება მიდის, ვიქმნით ილუზიას ქვეყანაში, რომ ჩვენ კორონავირუსი დავამარცხეთ. მინდა მოსახლეობას ვთხოვო, მთავარი პრევენციული ღონისძება, პირბადის ტარება კი არ შევამციროთ, არამედ 95%-მდე ავწიოთ“,- აღნიშნა ამირან გამყრელიძემ.