საზოგადოება
12/04/2021
ამირან გამყრელიძე: მესამე ტალღა დაიწყო
დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, მსოფლიოში ეპიდსიტუაცია უარესდება და ბევრ ქვეყანაში დაწყებულა მესამე ტალღა.
“შეგვიძლია ვთქვათ, რომ მესამე ტალღა ჩვენთანაც დაიწყო“, - აღნიშნა ამირან გამყრელიძემ.
მისი თქმით, ქვეყანაში 17-მდე კლასტერული ეპიდაფეთქებაა, რაც საყოველთაო გავრცელების პირველი ნიშანია.
“თუ არ მივიღებთ რადიკალურ ზომებს და არ მივყვებით რეკომენდაციებს, შეიძლება დაიწყოს საყოველთაო გავრცელება“, - აღნიშნა ამირან გამყრელიძემ.
რაც შეეხება ვაქცინაციის პროცესს, მისი ინფორმაციით, დღევანდელი მონაცემებით, ქვეყანაში 20622 ადამიანია აცრილი, თუმცა აქტივობა ძალიან დაბალია.
მისი თქმით, საზოგადოებრივი იმუნიტეტის შესაქმნელად აუცილებელია დღეში 3 000-დან 4 000-მდე ადამიანი აიცრას.
