საზოგადოება
27/07/2021
ამირან გამყრელიძე: ქორწილში წასვლის ნაცვლად ავიცრათ
დაავადებათა კონტროლის ეროვნული ცენტრის ხელმძღვანელი ამირან გამყრელიძე დამძიმებული ეპიდვითარების გამო, დიდი თავშეყრის ადგილების მოწყობის წინააღმდეგია.
“თუ ჩვენ ყველა, შევასრულებთ იმ რეკომენდაციებს, ანუ არ წავალთ ქორწილში და არ ჩავატარებთ დიდ წვეულებას, არ აღვნიშნავთ უნივერსიტეტის და სკოლის დამთავრებას დიდი თავყრილობით, თუ არ წავალთ და არ ვიქნებით მუსიკალურ ფესტივალებზე, სადაც 10 000 ადამიანი იკრიბება, კუს ტბაზე, ლისის ტბაზე და ასე შემდეგ, ამას თუ გავითავისებთ, რომ ცეცხლს ვეთამაშებით დღეს, მაშინ არ გვექნება ამდენი შემთხვევა. იმის მაგივრად, რომ წავიდეთ ქორწილში, სუფრაზე, წავიდეთ და ავიცრათ“,- განაცხადა ამირან გამყრელიძემ.
