საზოგადოება
26/01/2021
ამირან გამყრელიძე: კაცობრიობა ცხოვრების ჩვეულ რიტმს 1.5 წელში დაუბრუნდება
დაავადებათა კონტროლის ეროვნული ცენტრის ხელმძღვანელის ამირან გამყრელიძის პროგნოზით, კაცობრიობა ცხოვრების ჩვეულ რიტმს 1 ან 1.5 წელში დაუბრუნდება.
მისი თქმით, მთავარია კორონავირუსის საწინააღმდეგო ვაქცინის წარმოებასთან დაკავშირებული მიზანი განხორციელდეს.
„სხვადასხვა სახელმწიფოების მიერ 8 მილიარდი ვაქცინაა შეკვეთილი, ორჯერადი ვაქცინაციისათვის - ეს არის 4 მილიარდი ადამიანის აცრა. თუმცა, მიუხედავად სრული ვაქცინაციისა, ჩვენ მაინც მოგვიწევს პირბადის ტარება, გარკვეული პერიოდი. ჩემი პირადი პროგნოზით, ცხოვრების იმ ჩვეულ რიტმს, როდესაც არ გვეკეთა პირბადე, ვმოგზაურობდით, კაცობრიობა დაუბრუნდება 1 წელში, ან 1.5 წელში“,- განაცხადა ამირან გამყრელიძემ ბრიფინგზე.
