საზოგადოება
07/10/2021
ამირან გამყრელიძე: გაჩნდა ახალი ტერმინი "ტვინდემია", გრიპისა და კოვიდის ერთობლიობა
ამირან გამყრელიძის განცხადებით, ეპიდსიტუაციის გაუარესებას ემატება სეზონური ვირუსების გამოჩენაც.
"ახლა მოდის ცივი სეზონი და სხვა რესპირაციული ვირუსები, განსაკუთრებით ოქტომბრის ბოლოს გამოჩნდება გრიპი. უკვე ახალი ტერმინი გაჩნდა “ტვინდემია”, ანუ "დატყუპება", გრიპისა და კოვიდის ერთობლიობა. ამიტომ სეზონური ვირუსების გამოჩენასთან ერთად ეპიდსიტუაციის დამძიმება ძალიან საყურადღებოა"–აღნიშნავს, დაავადებათა კონტროლის ეროვნული ცენტრის ხელმძღვანელმა.
მისივე თქმით, ვაქცინაციის დღიური მაჩვენებელი აგვისტოსთან შედარებით 3-ჯერ დაბალია, ხოლო ბოლო სამი დღეა სიტუაცია გაუარესდა და 300 ერთეულით მეტი ახალი შემთხვევა ფიქსირდება, ვიდრე ეს იყო წინა კვირაში.
