ამირან გამყრელიძე: ძალიან ნელი ტემპით, თუმცა სიტუაცია მიდის დამშვიდებისკენ
დაავადებათა კონტროლის ეროვნული ცენტრის ხელმძღვანელმა ამირან გამყრელიძემ საკოორდინაციო საბჭოს შემდეგ განაცხადა, რომ ყველა მონაცემი, მათ შორის ლეტალობის შემთხვევები შემცირებულია, შესაბამისად, ძალიან ნელი ტემპით, თუმცა სიტუაცია მიდის დამშვიდებისკენ.
მისივე თქმით, ამან არ უნდა გაგვათამამამოს, რადგან შემთხვევების რაოდენობა კვლავ ბევრია.
"ინფიცირების გართულებული შემთხვევები და ფატალური გამოსავალი ძირითადად ფიქსირდება განსაკუთრებით მოწყვლად ფენებში, იქ სადაც არის ქრონიკული დაავადებები, ასევე ასაკი 50-60 წელს ზემოთ და სხვა. ჰოსპიტალიზირებული 6000 პაციენტიდან სამწუხაროდ 95% აუცრელია, მათ შორის რეანიმაციაში მყოფი პაციენტებიდან ძალაინ დიდი პროცენტი არავაქცინირებულია. დღეს ორი მთავარი იარაღი რჩება კორონავირუსთან საბრძოლველად, რომელიც ომიკრონის შტამსაც ებრძვის, ეს არის პირბადე, რომელიც ჩვენი ცხოვრების მთავარი წესი უნდა გახდეს. და მეორე მთავარი თავდაცვის საშუალებაა ვაქცინაცია."- აღნიშნავს ამირან გამყრელიძე.
