ამირან გამყრელიძე: აგვისტოს ბოლოს შესაძლოა შემთხვევები გაიზარდოს მუტირებული შტამების ხარჯზე

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ზაფხულში კორონავირუსის ახალი შემთხვევების რაოდენობა შემცირდება. თუმცა, არ არის გამორიცხული აგვისტოს ბოლოს შემთხვევები გაიზარდოს, მუტირებული შტამების ხარჯზე.

“ყველგან, სადაც კი შეზღუდვები მსუბუქდება, მეტი ყურადღება უნდა დაეთმოს რეკომენდაციებს - პირბადე, დისტანცია, დიდი თავშეყრების თავის არიდება და რაც შეიძლება მეტი აცრა“, - აღნიშნა ამირან გამყრელიძემ.

მისი თქმით, საქართველოში ორჯერადად სამიზნე მოსახლეობის დაახლოებით 1%-ია აცრილი, ორჯერადად 3.5%.

“ყველაფერი უნდა გავაკეთოთ რომ ეს რიცხვი ზაფხულის შუა რიცხვებში 10%-15%-ზე ავიდეს, შემდეგ 20%-ზე და თანდათანობით რა თქმა უნდა მეტად შეგვეძლება შეზღუდვების  შემსუბუქებაზე საუბარი“, - განაცხადა ამირან გამყრელიძემ.