აბასთუმნის განახლებული ობსერვატორია ახალი ტექნიკითა და ავეჯით აღიჭურვება
აბასთუმნის განახლებული ობსერვატორია ტექნიკითა და ავეჯით (როგორც საოფისე, ასევე გარე სივრცის) აღიჭურვება.
ტექნიკისა და ავეჯის შესაძენად მუნიციპალური განვითარების ფონდმა ტენდერი უკვე გამოაცხადა.
სატენდერო განაცხადის მიხედვით, ტექნიკის შეძენაზე დაახლოებით 211 740 ლარი, ავეჯის შეძენაზე კი 102 871 ლარი დაიხარჯება. პროექტს მსოფლიო ბანკი აფინანსებს.
აბასთუმნის ობსერვატორიის განახლება წლის დასაწყისისთვის დასრულდა. პროექტზე 4,5 მლნ ლარი დაიხარჯა. როგორც მაშინ ითქვა შენობაში მოეწყობა კაფე, საინფორმაციო ცენტრი, საგამოფენო და სამუშაო სივრცე და აღდგება ბიბლიოთეკა. ობსერვატორიაში განთავსდება ვიზიტორთა საინფორმაციო ცენტრი და კაფეც.
უნდა მოეწყოს ობსერვატორიის მიმდებარე ტერიტორიაც.
აბასთუმანში ობსერვატორია 1932 წელს აკადემიკოსმა ევგენი ხარაძემ დააარსა, ის პირველი სამთო ასტროფიზიკური დაწესებულებაა.
