1-ლი ივნისიდან შეზღუდვების შემსუბუქება კიდევ იგეგმება

ეკონომიკის მინისტრის ნათია თურნავას განცხადებით, 1-ლი ივნისიდან შეზღუდვების შემსუბუქება იგეგმება. 

თუმცა, მისი თქმით, ეს ეპიდემიურ სიტუაციაზე იქნება დამოკიდებული. 

როგორც მინისტრმა აღნიშნა, შეზღუდვების შემსუბუქებასთან დაკავშირებით, საკოორდინაციო საბჭოს დღევანდელი გადაწყვეტილება მნიშვნელოვანია ტურიზმისთვის. 

“შეზღუდვების შემსუბუქება მნიშვნელოვანია, რომ ტურიზმის აღდგენის ტენდენცია გავაძლიეროთ, რომელიც უკვე სახეზეა. ქალაქის ქუჩებში ტურისტებს უკვე ვხედავთ“, - აღნიშნა ნათია თურნავამ. 

საბჭოს გადაწყვეტილებით, ღამის საათემში გადაადგილების შეზღუდვის დრო შემცირდა. ე.წ. კომენდანტის საათი 23:00 საათიდან 05:00 საათამდე იმოქმედებს. გარდა ამისა, რესტორნებისა და ბარებისთვის შაბათ-კვირას შეზღუდვა მოიხსნა ღია სივრცეში. შეზღუდვა მოიხსნა სასტუმროებში არსებული რესტორნებისთვის, რომელიც 21:00 საათიდან მოქმედებდა.