Shell გაზპრომთან პარტნიორობას წყვეტს

ენერგეტიკული და ნავთობქიმიური კომპანიების გლობალური ჯგუფი Shell გაზპრომთან პარტნიორობას წყვეტს. 

კომპანიის მიერ გავრცელებული განცხადების თანახმად, რომელსაც CNN აქვეყნებს, Shell აპირებს, დატოვოს გაზპრომთან დაკავშირებული კომპანიები, მათ შორის მისი 27,5%-იანი წილი Sakhalin-II თხევადი ბუნებრივი აირის ობიექტში და მისი 50%-იანი წილი Salym Petroleum Development-სა და Gydan Energy საწარმოში. ამასთან, კომპანია შეწყვეტს მონაწილეობას Nord Stream 2 მილსადენის პროექტში. 

CNN-ის ცნობით, რუსეთის ამ საწარმოებში კომპანია Shell-ს 2021 წლის ბოლომდე $3 მილიარდის ინვესტიცია უნდა განეხორციელებინა.